ماذا حدث للمصريين !!

فى كتاب بعنوان (ماذا حدث للمصريين؟: تطور المجتمع المصري في نصف قرن 1945 - 1995

للأستاذ/ جلال أمين 

مبدئيا مش هعلق على الكوفر.

ثانيا بالنسبة للمضمون فالأستاذ بيتكلم عن التحور اللى حصل فى مصر طبقيا وأسبابه بتفنيدها وبحثها.

وطبعا الأستاذ زى مامذكور على العنكبوتية إنه أستاذ إقتصاد ومتهيألى عشان يكتب كتاب زى ده أو بحث كان محتاج مساندة أستاذ علم إجتماع.

الكتاب زى ما الأستاذ بيقول دى الطبعة الرابعة يعنى حوالى نص مليون نسخة نزلوا السوق.

الرايتنجس بتاعته على Goodreads 1752 والرانك 3.94

 

صراحة مش فاهم إزاى.

أولا وجهة النظر اللى فى الكتاب كانت عندى من وأنا فى تانية ثانوى يعنى دى باينة لعين الشخص متوسط الذكاء.

 ثانيا: الدكتور بيتكلم كلام عشوائي من غير إحصائيات.

ثالثا: بيتكلم عن ثقة كبيرة من غير مايذكر ولا مرة إن المفروض دى تبقي وجهة نظر(بالرغم من الهري الكتير اللى مذكور فى الكتاب -المثقفين ضمير الأمة ياسيد-).

رابعا: الكتاب ذات نفسه.

* الأستاذ معول كتير قوي اللى بيحصل على الحراك الطبقي وإنتقال كتير من الطبقات الدنيا للمتوسطة ومن المتوسطة للغنية وعن محدثين النعمة والفلوس لما جريت فى إيدهم وبتاع بنظرة حقد شديدة باينه قوى فى كلامه عن ذوى الأملاك والأغنياء.

جميل الكلام ده وأكاد أكون متفق معاك 90% بس الكلام ده نقوله على قهوة وإحنا قاعدين بنحكي مش فى كتاب المفروض إنه هيوصل لإيد ناس كتير ,الحراك ده برضه نتيجة مش سبب فين السبب ؟ طب فين الحل ؟ 

 

*باين جدا تحامل الأستاذ على السادات وإنه هو السبب فى اللى إحنا فيه لحد إنهارده (وقبل مايجي كمان 999) وإن الإنفتاح هو السبب برضه من غير أى أبحاث أو حتى إستشهاد برأي واحد بس من علماء الإجتماع.

 

*التليفزيون ,الأستاذ برضه بيتسني أى وضع عشان يكيل للتليفزيون وإن إحنا كان زماننا بنحكم العالم لولا إن التليفزيون دخل مصر.

 

*الحجاب ,الأستاذ تعرض للحجاب مرتين فى كتابه أول مرة فى عرض من الحراك الإجتماعى إبتدى ظهور المتشددين وإنتشار الحجاب وإن الحجاب دليل علي تخلف الأمة رجع بعدها فى فصل مخصص عن الحجاب وكان بيضربلنا الأمثال فذكر والدته وإنها محجبة من قبل 52 وإن الحجاب دلالة على العفة (أه والله زى مابقولكم إقروا الكتاب حتى).

 

*الهجرة ,الأستاذ ذكر إنمن أسباب الحراك الإجتماعى الهجرة لدول النفط مع ذكر إحصائيات بمعدلات التغير بتاعتها ,ودليله على كده كان عيلته شاف أبوه وإعمامه كام واحد مفيش ولا واحد سافر قبل الثورة وحسب دلوقتى ولاده وولاد إخواته وشاف كام واحد سافر اواخر التمنينات وحسب حسبته وقال دى إحصائية اللى هاجروا من مصر أه والله.

 

وكتير غير كده.

أنا مش زعلان على الكتاب ياما قريت كلام رخيص وإنت ممكن يكون كلامى اللى بتقراه دلوقتى فى نظرك رخيص بس أسفى على رد فعل الناس عليه

الموت

موت.

يعنى إيه موت ؟؟

شيف بيحضر وجبات طعام للدود ؟

ذات بتحولك من فاعل لمفعول به ؟

سواق عربية الزمن بينزلك منها ويركبك عربية التاريخ ؟

مش مهم هو مين ,المهم إنه بيخليك على الرف كتاب ويوم بعد يوم هتختفى من التراب.

ودايما مابيكون ذو اليد العليا فى أى عراك بيدخله مع شخص.

وهو اللى بيختار الزمان والمكان ومعندوش رحمه هيخليك توطيله دكر كنت أو أنثى ,طفل ,كهل. كل نفس ذائثة الموت.

حقيقة.

الحقيقة التانية اللى ملهاش إثبات مادي بعد الجاذبية 

إله ؟؟

قادر يصنع منك بطل وقادر يصنع منك خول ,هو ودماغه ساعة مايحب يقابلك هيقابلك حسب الموقف اللى إنت فيه لو عمل نبيل تبقى 

دخلت الجنة. ولو عمل سو يبقى حلال عليك النار.

فى النهاية هو موت إنهارده إنت موجود إنهارده برضه بس بعد شوية مش موجود

ناس هتحزن عليك وتنساك تانى يوم ,ناس هتحزن عليك قوى شويه وبعد مده هتنساك ,ناس هتفرح فيك ,وكتير ولا هتفرق معاه.

المشكلة مش فيه ,المشكلة إنه بيجي من غير ميعاد ومعندوش دم بيدخل على أى حد فى أى وقت ,وفى عشوائيته 

عمرك ماتعرف خناقته الجايه مع مين.

عشوائية عبثيه ؟؟

محض صدفة ؟

أعتقد الطبيعة ملهاش أى سلطان عليها ؟

ماذا رأيتم من موسيقى الميتال حتى تكرهوها

تراءى لنا فى الأونة الأخيره والأونه الأوله أيضا إن كل اللى بيجيب سيرة مزيكا الميتال فى كتاب أو رواية أو حتى فيلم سواء فى مصر أو أى حته تانيه فى العالم مبيجيبهاش بكل جهل ويصف مستمعيها ياإما بالجنون أو العته أو الشذوذ أو عبادة الشيطان أو التقليد الأعمى للغرب.
وطبعا كل ده هلس وبيدل إن اللى بيتعرضلها عمره ماسمع أو قرا أو حتى فكر يقرا عن موسيقي الميتال.
وطبعا برضه لما تكون دى فكرة رجل الشارع العادى عنك فاأنت بتعذره لأنه أصلا جاهل بكل حاجه حتى حقوقه وواجباته فامش هتلومه عن جهله بالميتال ,إنما لما يكون الجهل نابع من مفكر أو كاتب أو حتى مخرج معروف فاده بيفقده مصداقيته عند الشخص ويشكك فى أى حاجة بيكتبها.
وطبعا القارىء العادى لما يقرى لكاتب هو بيثق فيه ويشوف فكرته عن الميتال فاهتبقى كمان فكرته هو.

فكان لزاما علينا إنى أوضح بعض المفاهيم عن الميتال من باب (وذكر) لألا يكون للناس علينا حرج.

نبدأ بنشأة الموسيقى الكلام هتلاقيه فى منتديات كتير والصراحة معنديش جديد عليه بس بإيجاز ,هى موسيقي نشأت فى نهاية الستيانات وبداية السبعينات من القرن العشرين فى إنجلترا وهى تعد تطور من موسيقي الروك.
سرعان ماوجدت هذه الموسيقي صداها بين كثير من الشباب وإنطلقت فى إتجاه الولايات المتحدة وباقى أوروبا,وفى منتصف السبعينات ونهايتها زاد إنتشارها بزياد الرقعة المزروعة بها وزيادة مستمعيها والباندات أو الفرق الللى بتأدى هذه المزيكا.

سبب تسميتها إختلف فيه الناس محدش عارف ليه بس بيقال عشان كل الألات اللى بتستخدم فيها مصنوعة من المعدن والبعض الأخر أرجاها لشدة كلماتها والتى كانت ماتتحدث عن الحروب والمخدرات والثورة.
وإن كنت أعزز الرأى الأول ,المهم المزيكا مش مهم إسمها. لأن الإختلاف فى أساس التسمية بيلاقى نفس الصعوبة مع كل أنواع المزيكا وتلاقى 100 رأى عنها.
نخش بقى على المزيكا طبعا.
ليه الميتال فكرته وحشه عند الناس. 
أولا: مستمع الميتال لازم يكون من معدن خاص لازم يكون ثائر بطبعه سواء على البيت ,على النظام ,على الإلاه أو على الحياة ,وطبعا إنتوا عارفين فكرة الثائر عند العامة عاملة إزاى.
ثانيا: لازم يكون على قدر من الوعى وحب المعرفة والإطلاع على ثقافات أخرى وميكونش من الناس اللى بتاخد بالمظهرمش ماشي بمنطلق اللى معرفوش أقول عليه يع.
ثالثا: تكون ودانه نضيفة فى المزيكا بالفطره يكون بيسمع المزيكا للمزيكا مش من مطلق أى حاجة شغاله وخلاص.
رابعا: إنطوائى ,معظم الإنطوائين أو المنعذلين بيلاقوا ملاذهم فى موسيقي الميتال.
خامسا: حقا الموسيقى صاخبة ولكن فى ظاهرها فقط.
سادسا: إتخاذ بعض الأناس الميتال وسيلة لنشر رسالتهم لعبادة الشيطان.
طبعا كل اللى فات يخلى أى حد من اللى بيفكرش يعرف يقول أى بتنجان هو عايزه عن المزيكا وعن اللى بيسمعها لقى خرابه عشان يطرطر فيها زى ماهو عايز.
المزيكا ذات نفسها فهى أكتر من مزيكا ومش هضحك عليك لما أقولك هى أسلوب حياة يعنى اللى بيسمعها زى ماقلت مش ماشى بمنطلق أى خره شغال لأ الميتال بالنسبالنا ينبوع معلومات ومصدر خصب للإطلاع والمعرفة طبعا إنت كغير مستمع للميتال مش مصدق الكلام ده وفاكرنا بنشتغل نفسنا ,بس مش هلومك عشان لو كان عندك بصيص من الحكمة كنت ممكن تدرك ده.
عموما مزيكا الميتال بالنسبة لكلماتها فامش هقدر أقولك أكنك واقف قدام مكتبة كبيرة ... فيها كل مالذ وطاب من الكتب من كل العلوم بداية من تاريخ كل الحضارات والأديان مرورا بالأساطير مرورا بالسياسة والحروب والمخدرات والقضايا المجتمعية والتعر لمواضيع أخرى كالطبيعة وخلافة بالإضافة لتعرضها لجميع الأديان سواء بالسلب أو بالإيجاب سواء لنشرها أو نقدها. وأيا لذكر الحب والحزن والروايات وووووو كتير أوى عشان أقولك بس بجد مفيش حاجة مش هتلاقيها حتى نقض للأفلام وباندات بتتكلم عن الفيديو جيمز.
ببساطة تربة قدام قابلة لزرع أى حاجة.
ولو مش مصدق عندك موقع WWW.METAL-ARCHIVES.COM ممكن تدخل عليه ,علي اليمين هتلاقى سيرش إينجن إختار ليركس ثيم وإكتب اللى إنت عايزة ,أى حاجة تخطر على بالك وسيرش هتلاقى اللى بيتكلم عنها.

هى دى موسيقى الميتال من ناحية الكلمات أما عن الباندات المتمرسة لعبادة الشيطان أو سب الأديان فهى ناس لقت التربة برضه بس بدل ماتزرعها بسله ولا خيار زرعتها بانجو وأفيون .أهو كيفه كده بس ده مش معناه إن كل الناس بنت وسخة مش عاجبك سيبه وروح أقعد مع غيره.
تسأل ليه الناس بتلبس أسود فاده راجع لطبيعة المزيكا والكلمات المتعرضة ليها سواء الحروب ,الموت ,الحزن والكابه كل ذلك لن يجد أحسن من اللون الأسود عشان يكون سفير عنه.
أما عن طباع مستمعيها فاأنا زى ماذكرتها دى طباع موجودة فى أشخاص كثيرون حتى لو مكنش فى ميتال كنا هنلاقى حاجة تانية مختلفة وأقوم عشان نعملها فالبتالى كنا برضه هنبقى غرباء فى نظرك.
أما بالنسبة للمزيكا كألات فامش هقدر أكلمك عليها لأنها حالة مودية أو حسية لازم تحسها بنفسك مينفعش تتحكيلك.

أخيرا كلمتين عايز أقولهم  إنك مينفعش تسأل واحد عم مصرى عمره ماراح اليابان مين أحسن مصر ولا اليابان لأن أكيد شهادته هتبقى مكسورة واللى إنت مش حاطه فى الحسبان إن أى مستمع للميتال منزلش من بطن أمه بيعمل هيد-بانجينج إحنا برضه إتلطينا فى الأول فى الموسيقى العربي المدمرة للعقل للمغنيين أو أشباه المغنيين اللى إنت بتسمعهم وبعدها سمعنا ميتال فالما حكمن إن الميتال أحسن كان من عن خلفيه لكن حكمك إن اللى بتسمعه أحسن من الميتال وإنت عمرك ماسمعت ميتال ولا حتى قريت عنه فاده بيدل على جهلك وتخلفك. 

خدلك بصه الأول قبل ماتحكم وصدقنى مش هتخسر حاجه 
 

فى بيتنا رجل

مين ميعرفش فيلم فى بيتنا رجل بتاع عمر الشيف وحسن يوسف ورشدى أباظه وغيرهم من الممثلين الفيلم اللى بيتكلم عن فترة الإحتلال الإنجليزى والمقاومة الشعبية والفدائيين فى مصر وماإلى ذلك.
بعيدا عن أحداث الفيلم والأداء الأسطورى لرشدى أباظة فى القيلم والعسلية زبيده ثروت. وبغض النظر عما إذا كانت أحداث الفيلم حقيقية ولا لأ بس الصراحة الفيلم فتح عيني على حاجة مهمة وساهم بشكل كبير فى تغيير وجهة نظرى عن طبيعة الشخصية المصرية.
بعد ثورة 25 يناير ماقامت ولقيت الشعب أو عامة الشعب كانت بتقف ضد الثورة فى جانب الجلاد قلت إن شاء الله هيتعدلوا مفيش حاجة بتيجي بين يوم وليلة والناس فى يوم من الأيام هتفوق وبعد مرور حوالى سنتين والناس برضه زى ماهى لابتودى ولا تجيب الصراحة إبتديت أكرهم والكره إبتدا يزيد يوم بعد يوم ووصلت مقولة أبو الإمبريالية نابليون بونابارت عن الشعب المصرى إنه شعب بيمشى على بطنة بقت القاعدة الأولى فى حياتى وقلت خلاص ....أم دى بلد وأفكنى من الأحداث السياسية الدائرة وأعيش لنفسى وزى مابنقول أنا وحمامتى وحمدلله على سلامتى.
لغاية ماإتفرجت على الفيلم إنهارده بتدور أحداث الفيلم عن أسره اللى ربها هو حسين رياض ومراته معرفش إسمها بس هى ست كئيبة بتطلع فى الأفلام عشان تعيط بس وبناته زهرة العلا وزبيدة ثروت وحسن يوسف عيلة مصرية أصيلة بسيطة لا ليها فى الطور ولا الطحين
وكانوا معاصرين لفترة الإحتلال الإنجليزى لمصر وكل فكرتهم عن المقاومة إنهم عالم مخربة كل همهم قلقلة وزعزعة لإستقرار البلد لغاية ما بطريقة ما لقوا عمر الشريف أحد أعمدة المقاومة بيستنجد بيهم يخبوه عندهم وبالرغم من إنهم كانوا شايفينه إنه واحد عايز يقلب حال البلد وإنهم كل هدفهم إنهم يعيشوا فى سلام وأمان وإستقرار ويلاقوا لقمتهم بس بحس وغيرة ولاد البلد خبوه عندهم ويعرضوا نفسهم للخطر.
شوية شوية لعشرتهم ليه وإبتدوا يفهموا إن الراجل ده وأمثالة كل هدفهم إن البلد تنضف حتى لو كان ده على حساب نفسهم.
وتطور الوضع إنه مش يس يخبوه لأنهم يساعدوه ولما إتقبض عليهم وتحت وطأة التعذيب والتنكيل محدش فيهم نخ وجاب سيرته ولا سيرة زمايله.

حتى بعدما إتقبض علس حسن يوسف وأبوه راح يقابل مدير أمن الدولة عشان يفرج عنه قاله خليه يقر وأنا أروحه معاك وأديله 5000 جنيه وبعد ما شافه محطوط عليه ومتكهرب وطلعان دين أمه قاله إثبت على موقفك وإوعى تقول حاجة.

وتمر الأحداث بعد كده ويموت الفدائى ويخلص الفيلم.

وبعيدا عن إن الفيلم قصة حقيقية ولا لأ وبعيدا برضه عن مدى مطابقة الفترة الزمنية للفيلم بالفترة اللى بنعايشها دلوقتى بس اللى متأكد منه إن الموضوع ده ممكن يتكرر مرارا وتكرارا مع كل أسرة مصرية من مؤيدى الإستقرار
الفكرة فكرة وعى ليس إلا والناس دى وإن كانت فعلا كل همها فى الحياة أكل عيشها بس برضه ميرضوش المهانة لبلدهم وإن كل المطلوب حبة وعى مش أكتر والناس هترجع لصوابها.

وياريت الوعى يكون بطريقة سهلة  وبسيطة لعقولهم.

اخى الملحد لا تجعل الحادك يلهيك عن ذكر الله.

مقدمة قصيرة رخيصة:
عايز أقولك أخى الملحد قبل بدء قرائتك لهذا الكلام إنى مش مستنى منك حاجة فى المقابل ,تقدر تقول عامله لله وتقدر تقول برضه واحد مسلم كويس مش زى ولاد الوسخة اللى إنت شيلت الدين عبئهم ,نصيحة تاخد بيها أو لأ ده شىء راجعلك بس فكر فيه بتمعن يمكن ينفعك.
نخش فى الموضوع.
قبل ماأدخل عالم تويتر كنت عارف إن فى ملحدين فى مصر بس الصراحة ماكنتش متوقع إنهم بالعدد الكبير اللى لقيته ,إلحادك ده حاجة تخصك متخصنيش فى أى شىء كمسلم ولا هتسأل عنك ولا هتحاسب عنك وزى مابيقال كل واحد على دك أبوه. بس السؤال ليه إنت ملحد إيه اللى دلك لسكة الإلحاد !! ياترى لقيت الدليل المادى اللى يثبت عدم وجود الإله ؟؟ ملقتش صح ؟ الموضوع ببساطة معطيات مفروشة قدامك ركبتها مع بعض قالتلك إن مفيش إله نفس المعطيات اللى أنا ركبتها مع بعض قالتلى إن فى إله يعنى لو إفترضنا إن فى 10 أسباب تخليك تلحد هتلاقى 10 زييهم بالظبط يخلوك تأمن مش هدخل معاك فى جدال كينونته ومين اللى أوجد الكون ومين أوجد النشأه الأولى وما إلى ذلك لأنه كله ببساطة كلام لا يثمن ولا يغنى من جوع وإنت تقول عبثية وأنا أقولك لأ فى اللى بيحركها هفضل أدى وأخد وإنت تدى تاخد ونقفش فى بعض وفى الأخر برضه محدش هيقتنع بكلام التانى.
المهم مالينا فى الموضوع أنا متيقن من إنه موجود ومن غير دليل مادى إزاى مش هقدر أثبتلك ولو قلتلك حوادث حصلت عمرك ماهتصدقها زى مابتيجى سيرة الجن الوحيد اللى بيقتنع بالطرح الموجود هو الشاهد على الحادثة الباقى بيقول عليه بيحور .
أنا عارف إن تصرفات رجال الدين تنفر أى حد من الدين معاك فى النقطة دى والله كلهم شيوخ ولاد وسخة طبعا كلمة الإمام الغزالى رحمه الله هتيجي فى ودنك بس إنت لو فى مرحلة الشك ومعتمد إنك لما تقابله تقوله أصلى مش هتساوى بواحد زى محمد حسان ولا خالد عبدالله ولا ولا (الزبالة مفتوحة) صدقنى مش هيبقى عذر خالص إنت مالك بيهم ماعندك القرءان حاطتلك الخطوط العريضة تعريبك لمفاهيمة واسعة ومفتوحة وشاملة تقدر نسرح فيها مع نفسك من غير رجال دين يقولولك إيه الصح وإيه الغلط.
أما لو كان تنفرك من الدين نابع من كفرك بالذات الإلاهيه أساسا فا ده حلو وجميل إشطه خد السلم من أوله مع نفسك إقرا وإعرف من غير ماحد يقولك هتقولى قريت هقولك كداب تعاملاتى مع جمهور الملحدين من أل بيت تويتر أثبتتلى عكس كده تماما كل واحد يقول أنا قارى كويس جدا وفى كتاباته تكتشف إنه زيرو لا شىء معلوماته لا تتعدى كام أيه درسهم فى المدرسة مش مصدقنى هثبتلك أى حاجة بتفكر فيها بتحط نفسك مكان ربنا وتقول أصله خلق بيض العجل وليه معملش مش عارف إيه طب ليه مش مبين البتاع وكلام عجيب بشوفه مع إن ببساطة أيه بتقولك (ليس كمثله شىء) مش عارف إنت إزاى مصمم إنك تختذل طريقة تفكيره أو تحريكه  فى عقل بشرى ,عمر الكمبيوتر ماهيبقى إنسان -ضعف الخالق والمخلوق- مع إنك بتسبح بحمد ذو الكفين عشان صنع الكمبيوتر فمابالك باللى صنعك.
برضه عايز أفكرك إنى مش بصادر عليك ولا على طريقة تفكيرك ولا هخش معاك فى جدال عشان بإعتراف صريح بقولك إنك هتوصل لوحدك بدون نقاشات مع حد وعارف دماغكم بتفكر إزاى -معظمكم- بإعتراف صريح منى أحسن عقليات إتعاملت معاهم الملحدين -والميتال هيدز- هى بس فى نظرنا غشاوة على عنيك وهتتشال أعرفهالك إنها علامات بتجيلك منه عشان هو عايزك تؤمن ,مش بقولك إنك هتدخل أوضتك فى مرة تلاقيه قاعد نستنيك أو إنك تبقى ماشى فى الشارع تلاقى ماتش كورة بين ملايكة وشياطين. لأ, علامات بتقولك إن الموضوع مش هيصة بيصة ولا ملحدية زى ماإنتوا عايزينها وإن الكون فى اللى بيحركة.
الخلاصة:
بإختصار شديد خد وقتك زى ماإنت عايز فى التفكير وعيش مع نفسك ومتسمعش لحد بس بلاش تحط الموضوع هدفك الأكبر ويبقى إتجاه وأسلوب حياة إنت عايش علشانه عايش عشان تثبت إن إنت اللى صح بدل مايقفل الباب عليك وتندم بعد كده
               

الإنتخابات الرئاسية طريقك للفلاح

ونحن على أعتاب أول إنتخابات رئاسية مصرية ديمقراطية تشدها البلاد هناك زخف شديد حول مرشح الرئاسة الذى يريد كل منا إعطائه صوته الإنتخابى

دعونا نستعرض المرشحين الموجودين (على الساحة) .

بادء ذى بدء سيكون مرشحى المفضل هو خالد على والسبب هو قناعتى الشخصية بهذا الرجل وبأسلوبة المتواضع ومواقفة الصريحة والواضحة مع العمال وإنحياذه للطبقة الأغلب فى المجتمع .

لا أعدكم بأنه سوف ينفذ برنامجه الإنتخابى أو ما يعد به ولكن قناعتى الشخصية تقول إنه على أقل تقدير سيهتم بالدائرة القضائية ومحاولة إصلاحها مرة أخرى لأن الموضوع مش محتاج جهد كتير زى ما ناس كتير متخيلة الموضوح سهل بسيط عايز بس اللى عنده نية فى التغيير .

وبوضع أخر لو إنصلحت المؤسسة القضائية بدءا بأغر موظف فى أى محكمة مرورا بالمحاميين وإنتهاءا بالقضاة ففى حاجات كتيرأوى فى البلد هتتغير للأحسن بالتبعية .

مع إقتناع شخصى إنه مش هيحصد كثير من الأصوات بس يكفينى شرف المحاولة وإن صوتى راح للى شايف إنه يمثلنى

تانى واحد حمدين صباحى راجل ثورى من النخاع حتى البتاع ولا أحد ينكر ذلك وأنه عنده نية صادقة لإصلاح البلد ويأخذ البعض عليه إنه ناصرى وإنه هيحيى دولة العسكر أو هيساهم فى إستمرارها دعنى أخبرك عزيزى إن دولة العسكر لن تنتهى العسكر ماسكين البلد من شرقها لغربها ومن شمالها لجنوبها وفى كل خرم هتلاقى ممثل للعسكر فاأنت لو جبت أعتى الرجال وأشدهم بئسا وأكثرهم عقلا وحنكة مش هيقدر ينهى إستحواذ العسكر على البلد فالحل الأمثل للقضاء على حكم العسكر هو إنقلاب داخلى بنية التغيير وإعادة البلد لمواطنيها.

فلو هو ده سببك فى عدم إختيارك ليه فاللأسف مفيش ولا واحد فى الموجودين هيقدر يوقف العسكر حتى أشرف بارومة الله يرحمة

الثالث هو أبوالفتوح كل واحد عارف كل حاجة عن أبوالفتوح فامش هتكلم عليه كتير مش هرد غير الملاغاطات المنتشرة فى الأجواء

أولا إنه مرشح إسلامى هو فعلا مرشح إسلامى وهو ما أنكرش الموضوع ولكن خلفيته إسلامية يعنى مش هيطبق الشريعة بحذافيرها يعنى مش هتشوف دولة أل سعود بشرطه طب هيطبقها إزاى هيطبقها زى مبارك ماكان بيطبقها . هو مبارك كان بيطبق الشريعة أه كان بيطبق مبادىء الشريعة قانون الأحوال الشخصية قانون إسلامى صرف غير بس التعديلات اللى دخلتها ست سوزى قاتلها الله

خمور بتتباع فى أماكن مغلقة يعنى مينفعش تمشى تسكر فى الشارع تتقفش وش مخدرات نفس الكلام عمرك ماشفت واحد وواحدة بيهيوا فى الشارع ولو حصل فاده بعيد عن عين الشرطة حتى قوانين الأراضى والرى وغيره كتير كانت مبنية على أسس إسلامية 

النقطة التانية إنه بيلعب على كل الألوان للأسف برضه ده حقيقى بس هي السياسة أساسا لعبة قذرة وبفصفته سياسى فا أكيد لازم هيمارس شىء من القذارة ياراجل ده عمرو موسى اللى مش بيفوق من الخمرة لو قعد قاعدة مع السلفيين هيدخل عليهم بسبحة ومش بعيد يطول دقنة.

ولو حصل ووصل لإعادة مع مرشح تانى فاهيكون صوتى ليه طبعا بإستثناء خالد على 

خلاصة الكلام لو شايف إنك فعلا مؤيد لثورة 25 يناير وإن عندك فعلا نية للتغيير وإصلاح حال البلد فا هيكون واحد من التلاتة دول هو مرشحك.

النقطة التالتة والأهم إنه مرشح الإخوان السرى . فا أقدر أقول إنى يمكن أكون أول واحد فكرت فى الفرضية دى ولحد إمبارح كنت مقتنع بيها بس بعد ماشفت كم المبالغ المصروفة على الإستبن فالصراحة إبتديت أشك فى النقطة دى ومش عايزين ننسى إن كل دى شكوك أو رأى لم ترقى للبينة ومفيش حاجة تأكدها والقاعدة القانونية قائلة الإنسان أصلة البراءة والأخلاقية بتقول الإنسان أصلة طيب

فا أنا هفترض فيه حسن النية .

أما بقى بالنسبة لشفيق وعمرو موسى فأنا الراحة مش هقدر أقول للى هينتخبهم إنه مفرقش فى أى حاجة عن اللى نزل يوم 29 يناير فى ميدان محمد محمود وأقعد يعيط ويقول إحنا أسفين ياريس .

أما الباقيين فهم خارج المنافسة نهائيا يعنى أعتقد إن أقرب القريبين منهم مش هينتخبهم أساسا .

القول الفصل فى موضوع أبواسماعيل

هلت علينا اللجنة المشرفة على الإنتخابات الرئاسية وأصدرت لائحة بالعشرة المستبعدين من الإنتخابات بما يتضمنهم الملقب بأبواسماعيل وفندت اللجنة سبب إستبعاد كل منهم. 

وكان سبب إستبعاد أبوإسماعيل هو إن أمه تحمل جنسية أجنبية (أمريكية) والحاج أبواسماعيل قال ده كدب وإفتراء وأنا أمى مش معاها جنسية غير المصرية .

طبعا أبناء أبوإسماعيل والمبايعين ليه قالوا إن أمريكا والمجلس واللجنة إجتمعوا وتأمروا عليه خوفا منه ونسوا الحديث القدسى للرسول عليه الصلاة والصلاة القائل أن لو الأمه إجتمعت على أن يضروك لن يضروك إلا بشء قد كتبه الله لك رفعت الأقلام وجفت الصحف" صدق الرسول الكريم . بس ماعلينا الرسول مات وراح خلاص بس أبوإسماعيل هو الباقى 

طبعا هناك قاعدة قانونية ثابتة بتقول البينة على من إدعى يعنى اللجنة المشرفة على الإنتخابات هى اللي المفروض تثبت الكلام ده .

وبالفعل قدمت اللجنة الورق اللى بيثبت هذا الكلام بس للأسف إنها قدمته للمرشح بس مش للرأى العام بس ماعلينا محامى الشيخ حازم إطلع على الورق وقال إن الورق مزور طب ما يابرنس إنت محامى وشيخك محامى زيك زى مابيقول إنه بيدرس المحاماه وهو فى بطن أمه مش عارفين تثبتوا إن الورق مزور ؟؟؟ 

ماعلينا نستفيد من هذا الموضوع إن أبوإسماعيل لو كداب يبقى لا يستحق المنصب

ولو مش كداب يبقى بكس أمه برضه لا يستحق المنصب مش عارف يثبت إن الورق مزور طب هيحكم البلد إزاى