إنهاردة كان عندى جلسة فى المحكة الإقتصادية اللى على الدائرى عند كارفور المعادى وأنا راجع عديت على حوالى 6 كماين بس العمل المشترك بينهم إن كلهم كانوا بيلموا عددهم أو واقفين على جنب مش بيعملوا حاجة إستغربت المهم نزلت من النزلة بتاعت الحى السابع لقيت أسطول قوات أمنية متكون من 11 مدرعة, 16 عربية أمن مركزى, 6 ميكروبسات و6 بوكسات كانوا فى طريقهم للوحدة بتاعتهم اللى عند قسم مدينة نصر أول
بحسبة سريعة هتلاقى إن الأسطول ده كان متكون من حوالى 100 ضابط متفوتين فى الرتب وحوالى 2000 عسكرى ده طبعا غير المركبات دى كلها وأكيد عارفين المدرعات وعربيات الأمن المركزى بتستهلك وقود أد إيه ده غير طبعا وجبات الغدا اللى هتيجى للعساكر ده غير بدل الإنتقالات اللى هتتصرف للظباط كل ده غير طبعا الكماين اللى على طول الدائرى من المعادى لحد مدينة نصر
يعنى بحسبة بسيطة هنلاقى المشوار ده أقل واجب ليه لو فى ترشيد نفقات بيقف على الحكومة بـ 200.0000 جنيه
لو إفترضنا إن دول بس التكلفة فاشوف بقى كل جلسة محاكمة للحبوب والشلة بتقف على الحكومة بـ200.000 جنيه
شوف كام جلسة عدت ولسه فاضل كام جلسة جايين
ده فى الوقت اللى العامة من الشعب بيسبولنا فيه وكل شوية وقفتوا حال البلد والعجلة هتنام وكلام عجاب
ياريت الناس تشغل دماغها وتشوف مين اللى بيتقل على العجلة
