من يومين طالعتنا الجرائد القومية منها والمحسوبة على المعارضة بخبر غريب عجيب وهو القبض على أوكرانى وإسرائيليين بتهمة إستيراد أسلحة نارية مرخصة كالمستعملة لدى الجيش المصرى للقيام بأعمال إرهابية وتوريط الجيش مع الشعب خبر مثير للريبة تدخل تقرا الخبر تلاقيه بيقولك إن واحد أوكرانى عنده شركة سياحة فى سينا بعت واحد شغال عنده عشان يجيب السلاح ده فى داخل صليب خشبى كبير وإن الراجل ده ليه بلاوى كتير منها حيازة أجهزة إتصال قمرية وتهريب الأفارقة لإسرائيل عن طريق سيناء وإنه فى مرة تانية جاب عرب وضربوا نار على الناس اللى كانت شغاله عنده لما إعتصموا وطالبوا بحقوقهم وحاجات تانية طب راجل زى ده قاعد فى البلد ليه لحد دلوقتى الصراحة أنا مش عارف يمكن يكون ليه قرايب مهمين الصراحة برضه مش عارف نيجى بقه لنوع السلاح اللى مصورينه هنلاقيه AK-47 أو مايسمى الكلاشينكوف أو مايطلق عليه فى مصر 7.62 × 39 وإن ده سلاح روسى الصنع دخل إسرائيل إزاى مش عارف طبعا الكل عارف إن إسرائيل مش بتدخل فى صفقات تسليح مع الروس وإن سلاحها كله أمريكانى يعنى الناس تحملت عناء إنها تبعت تجيب السلاح ده من روسيا لإسرائيل وبعد كده مخاطر تدخله من سيناء عشان تعمل الوقيعة مع إنهم كانوا بكل سهولة ممكن يبعتوا إتنين سرسجية يطلعوا بمطاوى على أى عسكرى نايم قدام أى سفارة كانوا هيجيبوا نفس السلاح وكانوا إشتروه من البدو فى سيناء مش عارف هل ده غباء من اليهود ؟؟ بس هم لو بالغباء ده كانوا قضوا طول حياتهم بيحيكولنا فى مؤامرات لزعزعة الإستقرار ولإسقاط النظام ؟؟
وليه أساسا يسقطوا النظام هم هيلاقوا نظام أحسن من ده فين نظام بيحميلهم حدودهم .. نظام بيمارس جميع أشكال التطبيع معاهم .. نظام كان محاصر أشقائه العرب علشان بركات البابا فى تل أبيب .. حتى الأنفاق اللى بيروح منها الأكل واسلاح لغزة كل شوية يدمرها نظام متأكدين مليون فى الميه إنه عمره ماهيدخل فى صدام معاهم .. ده ياراجل وصلت لما عسكرى أمه بتجيبله بندقيه سنايبر جديدة ويحب ويجربها يطلع على البرج ويصطادله عسكرى ولاظابط وبعد كده النظام يطمن عليه يشوفه إتبسط ولا لأ .. أى دولة فى العالم ممكن تفكر إنها تزعزع إستقرار نظام زى ده ؟
ثانيا للمتخلفين والبغبغانات اللى بيقولوا إن الجيش لو وقع تانى يوم إسرائيل هتدخل مصر إشرائيل لو دخلت مصر هتدخل علشان تحمى النظام اللى موجود لإن مفيش أى دولة فى العالم ممكن تفكر تحتل دولة فى حالة ثورة لأ ومش أى ثورة ده الشباب عندنا بيقف بطوبة قدام جيش بلده ومستعد يضحى بنفسه علشان الحرية فمابالك بعدو مغتصب داخل عليه .؟
بعد كده إمبارح خبر تانى أعجب وأغرب وبجد والله أنا مش عارف أنام من كتر التفكير فيه الخبر هو وصول شحنة أسلحة تحوى 80 ألف طلق خرطوش وفى بعض الجرايد الأخرى 200 ألف المهم بقى إن الذخيره دى خرجت تحت حراسو مشددة خرجت لمين بقى لتجار أسلحة ويكأن إن تجار الأسلحة دول تجار لبن ومعاهم رخصة مزاولة النشاط ده يامحترمين حيازة فرد خرطوش بس قضية أمن دولة فا مش عارف الصراحة يعنى إيه تاجر سلاح يجيب ذخيرة من بره وتيجى من معبر عام وتدخله تحت حراسة الحكومة 999
خلاصة القول إن الأخبار دى تحذير من الجيش إن بعد كده مش هيبقى فى يانه إرحمينى وإن أى إشتباكات تانى معاهم هيتحط علينا وهنزعل ..
بس أحب أطمنكم وأقولكم .. أمكم والثورة مستمرة
ليست هناك تعليقات:
إرسال تعليق